Виртуалды кәсіптік бағдар беру кабинеті

«Мариновка ауылының №2 жалпы орта білім беретін мектебі» КММ

кәсіптік-бағдарлау  жұмысының   ұйымдастырылуы  туралы ақпарат

2022-2023 оқу жылы

       2022-2023 жылдан бастап мектебімізде   кәсіптік бағдар беру жұмысы ұйымдастырылды. Алғашқы жыл болғандықтан жұмысты  жоғары сыныптарда, яғни 9-11-сыныптарда кәсіптік-бағдарлау жұмысы жүргізілді.

     Жыл басында кәсіптік бағдар беру мақсатында мектепішілік жоспар құрылды.  Жоспарға сай барлық жұмыс жасалды.

Алғашқы жыл болғандықтан  басты  назар 9-11-сыныптарға жасалынды.

15.09.22 күні мектебіміздің  9-11-сынып оқушылары профориентолог Айгүл Искакованың  «ХХІ ғасырда мамандық таңдау ерекшеліктері мен мамандық таңдау кезінде жіберілетін қателіктер туралы ақыл-кеңес, ұсыныстарын тыңдады.

Қазан айында кәсіптік бағдар беру ісінің мақсаты, кәсіп түрлері туралы ақпарат тақтасы жасалынды.

16.11.22 күні 9-11-сынып оқушылары   ZOOM-мен аудандық оқу бөлімінің ұйымдастыруымен «Мамандықтар әлемі» атты  мамандық таңдау кездесуіне қатысты.

      Кездесудің мақсаты: оқушыларға  мамандық таңдауда профорентациялық  қолдау көрсету. Кездесуде спикерлер Рудный индустриалды институтынан, Қарағанды МВД академиясынан , Көкшетау қаласының Жоғарғы Техникалық колледжінен және Атбасар қаласының Аграрлық индустриалдық колледждерінің аға оқытушылары өз оқу орыны, дайындайтын мамандықтары туралы оқушыларға ақпарат берді.                       

        Қараша айының 30 күні 9-10 сынып оқушылары арасында  «Маңызды мамандықтар» тақырыбында дөңгелек үстел ұйымдастырылды. Бұл пікірлесуді мектептің профориентаторы Тонтакаев А.Д. жүргізді. Пікірлесу  кезінде оқушыларға «кім болғанды қалайсың?» деген сауал тастап, әр оқушының өз ойын тыңдалды, яғни дәрігер,мұғалім,суретші,теміржолшы т.б мамандық иесі болатыны  айтылды.

            Сондай-ақ, оқушылар осы мамандық иелері қазіргі таңда қаншалықты қажет деген сауалға өз ойларын ашық жеткізе білді. Яғни осы жерде заман ағымына қарай мамандықтар әлемі де өзгеріп отыратыны жайлы түсінік беріліп өтті.

             Сондықтанда әрбір оқушы ең әуелі өз жеке басының ерекшеліктерін танып, өзінің жүрегіне үңілу арқылы бойындағы бейімділігін байқап, содан кейін ғана ұнататын мамандықтардың арасынан біреуін таңдау қажет екенін айта келе, өзінің таңдаған мамандығының болашақ болмысы туралы терең зерттеп білгені және өз қалауы бойынша ой таразысына салып 2-3 мамандықты салыстырып көру керек екеніне тоқталды.

Отырыс соңына қарай оқушылар ақпарат ала отырып,оның келешекте алар орны, тигізер пайдасы жайында өзара ой бөлісіп,  edunavigator.kz сайтында тест орындап, нәтижесінде өз бейімдеріне байланысты мамандықтар ұсынылды.

 Желтоқсан айында «Сіздің кәсіби маңсабыңыз» атты оқушыларға кеңес беру мақсатында «Түлектер тақтасы» жасалынып, оқушыларға таныстырылды.

Қазіргі уақытта өзі таңдап алған мамандығы бойынша жұмыс жасап жатқан мектебіміздің түлектерінің тақтасы жасалынып, онда түлектер және олардың таңдап алынған мамандықтары, түлектердің  кәсіби дамуы туралы толық  ақпарат берілді.

 Қаңтар айында мектепке  бірнеше оқу  орнынан ұстаздар келді және кей  оқу орындары туралы профориентатор Тонтакаев А.Д.  таныстырып, оқушыларға оқу орын туралы ақпарат парақшаларын таратты.

Ақпан айында 8-10-сынып оқушылары «Кім болам?» деген тақырыпта  өздерінің армандары мен мақсаттары туралы эссе жазды.

ІІІ тоқсанның соңында мектепшілік жалпы ата аналар жиналысында «Мамандық таңдаудағы қателіктер» тақырыбында баяндама оқыды.

24- наурызда 10-11-сынып  оқушыларын ауылымызда орналасқан  аудандық мұрағатқа барып, мұрағат мамандарының жұмысының қыр сырымен танысты.

Сәуірдің  12-сінде  9-10-сынып оқушыларынан  «Оқушылардың мамандық

таңдауға дайындығын анықтау» сауалнамасы алынды.

Оқушылардың жауабын саралай отырып, төмендегідей  қорытынды жасалды:

Жоспар бойынша  мамыр айында мектеп оқушылары арасында болашақ мамандықты таңдау тақырыбы бойынша суреттер конкурсы өтті.

Мақсаты: оқушыларға болашақ мамандық және оқу бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту.

Мамыр айында мектебізге Степногорск қаласының мамандандырылған спорт мектебінен  және Атбасар қаласының кәсіптік колледжден өкілдер келіп мектеп оқушыларына үгіт насихат жүргізді. 

«Мариновка ауылының №2 жалпы орта білім беретін мектебі» КММ

кәсіптік-бағдарлау  жұмысының   ұйымдастырылуы  туралы ақпарат

2023-2024 оқу жылы

Кәсіптік  бағдар жұмысын  бастауыш, орта буын, жоғарғы сыныптар деп оқушылардың жас ерекшелігін ескере отырып жоспарланды.

Әлемдік білім беру кеңістігіне бағытталған білім берудің негізгі мақсаты білімді меңгеріп қана қоймай, білік пен дағды арқылы дербестік, ізденімпаздық, дені сау, өзгермелі жағдайда білімді де білікті жасөспірімдерді жан-жақты жеке тұлға ретінде даярлау.

Мақсаты: кәсіптік бағдар беру жұмыстарының формалары. Кәсіптік бағдар берудің тиімділік өлшемдері. Оқушылармен жүргізілетін кәсіптік бағдар беру жұмыстарының белсенділік әдістемесі: ойындар, пікірталас, жағдяаттарды талқылау. т.б.

Осы мақсаттарды іске асыруда бүгінгі мектеп оқушыларына қойылып отырған мәселелер күн сайын талаптануда. Өйткені келешек қоғамыздың басты тұлғасы бүгінгі мектеп оқушылары. Сондықтан мектепте берілетін кәсіби бағдар жұмыстарының бүгінгі күні маңызы зор болып табылады. Жалпы білімнің басты үш міндеті бар  олар: баланың өзіндік жалпы дамуын, жан-жақты дүниетанымын қамтамасыз ету, және оны болашақ белгілі бір кәсіпке даярлау. Осы үш міндеттің ішінде қоғамдық даму күрделенген сайын баланы жастай алдағы кәсіпке бағдарлай әзірлеу – ең көкейкесті мәселеге айналып отырғаны дәлелденді.Қазіргі кезеңде жалпы білімнің міндеті – баланың жалпылама дамуын қамтамасыз ету ғана емес, ең бастысы оларды жастай өз қабілеті мен қызығуына қарай белгілі бір мамандыққа арнайы бағыттай білу.

 Жыл  басында кәсіптік бағдар беру мақсатында мектепішілік жоспар құрған кезде мектеп оқушыларын үш буынға бөліп жоспар құрылды, бастауыш сыныптар, орта буын және жоғары сыныптар.                                        

Қыркүйек айы

• Ұйымдастыру  жұмыстары жүргізілді.
• «Мен өскенде кім боламын?» тақырыбында 1-4-сынып  оқушылары сурет салып, суреттері жинақталды.

Мақсаты:  Оқушыларға мамандық ұғымы, мамандық түрлері туралы ой – өрістерін кеңейту, мамандықтың адам өміріндегі маңызы, мамандық таңдау үлкен жауапкершілікті талап етілетіндігі туралы түсініктерін қалыптастыру;

Өз Отанына, еліне адал қызмет ететін, еліміздің болашағы үшін аянбай еңбек ететін азамат тәрбиелеу;

22-қыркүйек  күні мектебімізде  кәсіби бағыт беру мақсатында                              

7-9-сынып  оқушыларымен  «Табысты  түлек- мінсіз оқушы» тақырыбында  мектеп  түлектерімен   кездесу ұйымдастырды.            Кешке  мектеп директорының тәрбие ісі жөніндегі орынбасары Абеуова А.А. және мектеп түлектері  Мүкара К. мен  Хуатбек А. , сынып жетекшілер  қатысты.

Жас  ұстаздар оқушыларға өздерінің қызығушылықтары, икемділігі, бейімділігіне сай мамандық таңдау керектігі туралы айтты.

Еңбек - адамгершілік құндылығы туралы түсініктерін кеңейту, еңбектің адам өміріндегі мәні туралы түсінік беру, еңбек етуге деген қызығушылықтарын ояту, дамыту, еңбексүйгіштікке тәрбиелеу.

Кездесу барысында оқушылар қонақтарымызбен таңдаған мамандықтары туралы ой бөлісіп, пікір алысып, өздерін толғандырған сұрақтарына жауап алды

11.10.23 Мариновка ауылының ✓2  ЖОББ  мектебінің кәсіптік бағдар беру мақсатында  2,4-сыныптарда "Мамандық әлеміне барар жол" тақырыбында құрастыру сабағы өтті.

Жас ұрпақты  еңбекке тәрбиелеу – маңызды педагогикалық процесс. Өйткені, болашақ қоғам азаматтары өздерінің адамгершілік қасиеттерін, абыройын, өмірден алатын орнын тек қана еңбек арқылы ғана ақтай алады. Еңбекке баулуда бала күнделікті өмірге қажетті дағдылар мен ептіліктерді меңгеріп қана қоймай, еңбек баланың ақыл-ойының дамуына әсер ететіндей, бастаған ісін соңына дейін аяқтауына, оның әсем де әдемі болуына назар аударту көзделеді. Оқушылар берілген суреттер арқылы мамандық иесін дөп тауып отырды және мамандық түрлерімен танысты. 

Жылдық жоспар негізінде қараша айында кәсіби бағдар беру мақсатында                  3-сынып "Мен ұстазымды мақтан етемін" атты ашықхат жасап, алғысын айтып, ризашылығын білдірді.

Мақсаты: Балалардың әртүрлі мамандықтар туралы білімдерін толықтыру. Жұмыстың мазмұнымен, мағынасымен айырықшаланатын мамандық әлемінің  түрлілігі туралы түсінік қалыптастыру. Мамандық түрлерімен таныстыру. Мамандықтың түрлері көп: Дәрігер, мұғалім, ұшқыш, тәрбиеші, құрылысшы, шаштараз, жүргізуші, аспаз, әнші, биші, журналист, т. б көптеген мамандықтар бар. Мамандықтың жаманы жоқ, тек оны дұрыс таңдай білу керек. Қалаған мамандықтың иесі болу үшін еңбексүйгіштік пен білімділік қажет, үлкен өнер мен зор шеберлікті қажет еткендігін түсіндіру.

«Рухани адамгершілік құндылықтарды, қазақстандық патриатизм және қазіргі жастардың бағдарларын анықтау»  бойынша 7-сынып оқушыларының адамгершілік, ел болашағы туралы ойларын  сауалнама сұрақтарына жауап беру ақылы  алынды.

Қараша айында  10-сынып  оқушыларымен «Шығармашыл адамның өмірлік стратегиясы» пікірталас өткізілді. Пікірталас басында оқушыларға миллиордер М.Сейсенбайдың «Жетістікке жетудің қыр-сыры» туралы сұхбатын тыңдап, ортаға ойларын салып,пікірлерін білдірді

Желтоқсан  айы

• Бастауыш  сынып оқушыларымен «Анам-әкем жұмыста» ата-аналарының мамандықтары туралы сурет салу ұйымдастырылды. 

• Осы айда 5-6-сынып оқушылары «Кім боламын» тақырыбында эссе жазды.
• «Біз таңдайтын жолдар» түсіндірме жұмысы ұйымдастырылып отырады.

• Қаңтар айында жоспар бойынша  «Ертеңіме сенемін» тақырыбында ауылдық балалар кітапханасы мен мұражайға экскурсия ұйымдастырылды.

• 9-11-сынып оқушыларымен «Олар  біздің мектепте оқыды» тақырыбында студенттермен кездесу кеші ұйымдастырылып, оқушылар өздерін мазалап жүрген сұрақтарына  жауап алды.

24.01.2024 ж. Мектебімізге Көкшетау қаласындағы М.Ғабдуллин атындағы Азаматтық қорғау академиясының өкілдері  ата-аналармен кездесу өткізіп, оқу орнына шәкірттерімізді шақырды. Кездесу барысында оқуға қабылдау шарттарымен таныстырып, оқу орны дайындайтын мамандықтар туралы ақпарат берді.

Ақпан айы

• Жоғары сынып оқушыларымен «Мың мамандық бар, таңдап, талғап бірін ал!»  оқушылармен мамандық түрлері тақырыбында әңгімелесу

Наурыз айы

• «Кім боламын» рөлдік ойындар ұйымдастырылды.

Сәуір айы

«Еңбегі адал жас өрен» жобасы бойынша  «Адал еңбек, еңбексүйгіштік мәдениетімен құндылықтарын насихаттау мақсатында  тәрбие жұмысы бойынша аудандық семинар өтті.

Мамыр айы бойынша жоспар бойынша

9-сынып оқушылары «Менің  болашақ   мамандығым» тақырыбында  эссе  жазды.

11-сынып оқушыларымен ауылымыздағы ТОО Ирченко ХПП экскурсияға барды. Бұл жерде қандай мамандықтар қажет және олардың жұмыстарымен танысып, көздерімен көріп, көп ақпарат алып қайтты.

Қорытынды: Кәсіби бағдар беру — жас ұрпақты өзіне ұнаған тиісті мамандықты саналы талдап алуға дайындауға бағытталған іс-әрекеті.              Кәсіби бағдар беру арқылы оқушыларды мамандықтар әлемінде, олардың мазмұны, ерекшеліктері, жеке тұлғаға қоятын талаптарын өз бойындағы қасиеттерімен ұштастырып, өндіріс, шаруашылық салаларының даму міндеттеріне, оның нарықтық экономика жағдайындағы рөліне сай саналы таңдалып алынған мамандыққа мүдделілігін тәрбиелеуді қажет етеді. Мамандықты саналы таңдауда адамның қабілеттілігінің қалыптасуының да үлкен маңызы бар.

Мектеп кәсіби бағдар берушісі :                                    Тонтакаев А.Д.